من أنا

صورتي
طبيب ومدون، ابدأ خطواتي نحو المشاركة السياسية والحقوقية، أعشق الهدوء والخط العربي والتصوير. dr_hossam_elamir@hotmail.com

الأحد، 16 يونيو 2013

من أقوال المثبطين


- جهاد في سوريا... هاأأأو... يا متأسلمين يا منافقين... طب ما تروحوا إنتو ومشايخكم جاهدوا بدل ما انتو بتطالبوا الناس بالجهاد... واشمعنى سوريا يعني... وفين القدس... ولا بس القدس للشعارات... وليه القدس واحنا اصلا جنودنا بينضربوا وجيشنا بيتهاجم في سينا من اسرائيل وحماس والإرهابيين اللي زيكو... وبعدين ماهو في سوريين في البلد هنا محتاجين... وليه أصلا تفكر في سوريين والفقرا ماليين البلد... يا اخي ده البلد محتاجة شغل كل واحد علشان توقف على رجلها وانتو يا متأسلمين عايزين تسيبوها يا إما تربوا دقونكم وترفضوا ترجعوا للشغل... كفاية بقى كرهتونا في الدين...

- أنا: انت جاهدت في القدس... هو: لا
أنا: طب تبرعت للمجاهدين في غزة أو سوريا... هو: لا
أنا: طب تطوعت في الجيش للقبض على اللي بيقتلوا الجنود في سينا... هو: لا
أنا: طب تبرعت لإغاثة المحتاجين في معسكرات اللاجئين أو المحاصرين... هو: لا
أنا: طب كفلت أسر سورية محتاجة في مصر... هو: لا
أنا: طب كفلت أسر مصرية محتاجة... هو: لا
أنا: طب بتشتغل أوقات زيادة عن وقت العمل ببلاش... هو: لا
أنا: طب تنازلت عن جزء من مرتبك... هو: لا
أنا: طب بتروح شغلك في مواعيده وبتقضي الوقت كله في الشغل وبتعامل الناس باحترام علشان إنت بتشتغل عندهم... هو: لا
أنا:!!!! أمال إنت بتعمل أيه!!!

- هو: أهو إنتو كده يا متأسلمين... بتوع كلام وبس... خسارة الوقت اللي ضيعته في الكلام معاك... لو كنت اتفرجت على باسم يوسف كنت روقت دمي وفضحتكم... هانت... من بكرة أنا في اعتصام في الشغل علشان المرتبات اللي مرفعهاش المنافق مرسي... و30/6 آخر يوم ليكم في البلد... هنرجعكوا الجحور والزنازين تاني علشان البلد تنضف... متمرد وافتخر...

-أنا:!!!!!!!!! يا جماعة الله يكرمكم اللي عنده زبالة يخلي باله ويرميها عند صندوق الزبالة... في كيس زبالة وقع من واحد فيكم هنا!!!!!!!!

ليست هناك تعليقات: